اسلام آباد: حکومت نے ملک بھر کیلئے ماہانہ ایڈجسٹمنٹ میں بجلی کی قیمت میں کمی کر دی ہے۔
کراچی کیلئے بجلی کی قیمت میں 3 روپے فی یونٹ کی کمی کی گئی۔ کراچی کے علاوہ باقی ملک کیلئے بجلی 2 روپے 12 پیسے فی یونٹ سستی کی گئی۔ ماہانہ ایڈجسٹمنٹ میں بجلی کی قیمت میں کمی کے الگ الگ نوٹیفکیشن جاری کیے گئے ہیں۔
نوٹیفکیشن کے مطابق بجلی صارفین کو کمی کا ریلیف مارچ کے بلوں میں ملے گا، کے الیکٹرک کیلئے بجلی دسمبر 2024 کی ماہانہ ایڈجسٹمنٹ میں سستی کی گئی۔ جبکہ باقی ملک کیلئے جنوری 2025 کی ایڈجسٹمنٹ میں بجلی کی قیمت میں کمی کی گئی۔
